Club de lectura

Encántame LER!!!

2012-01-28T23:45:00.000-08:00

Novos libros de lectura para a volta de Nadal

2011-12-11T13:02:00.001-08:00

Rematade de ler os libros desta tempada, se alguén aínda non rematou, porque á volta de Nadal leremos:

TERCEIRO LIBRO PARA OS SALICORNIOS-AS DO 2º CICLO DA ESO:

La importancia de llamarse Ernesto. Oscar Wilde
O seu título orixinal The importance of being earnest non fai referencia só ao nome... Earnest significa en inglés honesto, sinceiro... Un xogo de palabras do autor. Un máis.
É unha obra de teatro.
A historia sucede na Inglaterra victoriana e trátase dunha crítica á sociedade inglesa da época, coa que riremos en moitos momentos.
Foi levada ao cine por Oliver Parker en a película son actores: Rubert Everett, Colin Frith e Reese Witherspoon, entre outros.

TERCEIRO E CUARTO LIBROS PARA OS SALICORNIOS-AS DO 1º CICLO DA ESO:

La casa de la linterna, Carlos de Castro. Este libro xa o leron os rapaces e rapazas do 2º ciclo, así que preguntádelle a eles que lles pareceu porque tamén o teredes que ler vós xa que faremos unha actividade conxunta.

E o cuarto libro para vós será un algo, digamos... "diferente":
La vuelta al mundo de un forro polar rojo, Wolfgang Corn
Onde se fabrica a roupa que levamos?
Que sentido ten fabricar unha tea nun país e cosela a miles de kilómetros?
La aventura de un forro polar rojo é un libro informativo para comprender mellor a cadea humana que hai detrás da confección dun simple chaleco de forro polar vermello. E tamén é un libro que mostra historias, traxedias, inxustizas, aventuras e desventuras, dende o luxo de Dubai, lugar de orixe do petróleo co que se fabrica o chaleco, ata os pobres de Bangladesh como a costureira Taslima.

É un libro orixinal no que se mesturan a narración e a información, galardoado co Premio alemán ao mellor libro xuvenil de divulgación científica.

CEA NO PUKIS!!!

2011-12-04T01:40:00.001-08:00

Todos os comensais (agás Claudia, que chegou algo tarde...)

Os comensais "seleccionados" (non por gañadores, eh?)

CEA NO PUKIS !

Grazas ao concurso de palabras estrafalarias ,o clube de lectura deunos un premio chulísimo : UNA CEA NO PUKIS. Non todos participamos, pero aínda así acudimos 20 membros do clube, que aínda son !! Aínda que iso das 8 retrasouse un poco, xa que a xente no é nada puntual, chagamos todos. Xa eran como as 9 e empezamos a pedir cada un o que quería. Comemos o que quixemos e maís, e ademaís todo estaba moi moi rico!! Comemos pizzas, bocatas, o postre...de todo ! Rematamos a cea sobre as 10 e media, logo, cada un para a súa casa!

Gustaríame contar una pequena anécdota que a mi, persoalmente, fíxome gracia . Para que logo os mestres digan ! Os únicos que dixeron : “ E cando leemos”? , foron os que , como lles chama Begoña, “os mellores de cada casa”, os únicos que o dixeron. Para que vexades o atentos que son !

Bueno, mestres,esperamos un premio tan chulo como este moitas mais veces, xa que foi unha noite chea de risas !

Tamara Bello

CONCURSO NO TUENTI

2011-11-25T10:09:00.000-08:00

Estas son as "palabrejas" estrafalarias coas que concursastes os salicornios e salicornias no tuenti. Ana -profe- fixo un "bordado" con todas elas e mirade que BONITASSSSSSSSSSSSSS VOLAS deixou! Bordou tanto as palabras en castelán como as galegas porque todas elas merecían un cadro, a que si?

Xa sabedes que os gañadores foron: Ángela Casal, Andrea Piñeiro, Tamara Bello, Cristian Martínez e Carmen Valiño. E tamén sabedes que levaron un premio CHULO CHULO CHULO, así que a animarse porque haberá máis concursiños e máis premios.

Un resumo rápido

2011-11-16T12:17:00.000-08:00

Ata o momento no Club de lectura (este curso somos 38!!!) fixemos a sesión de inauguración lendo poemas dende a praia pequena ata a Ponte do porco, comezamos cun taller de papiroflexia, estamos a facer un concurso de palabras estrafalarias por medio do tuenti e estamos lendo:

-Caperucita en Manhatan, no 1º ciclo de ESO

-La casa de la linterna, no 2º ciclo da ESO

Seguiremos pasándoo ben coas nosas lecturas!

Un bico a todos-as.

OLAAAAAAAA!!!

2011-10-07T12:59:00.000-07:00

Novo curso, novas caras, novas lecturas, novas actividades, novas ilusións...

Ola a todos e todas, salicornios e salicornias...

Este curso somos 36!!! VIVA LA VIDA!!!

Espero que leamos moito, que o pasemos ben e que fagamos xuntos moitas cousas.

De momento, se o tempo o permite -que parece ser que si o vai permitir- pois... iremos ata a Ponte do Porco camiñando pola praia e lendo poemas.

Ao alumnado de 4ºA e 4º B: facede fotitos, fixádevos ben en todo e collede cousas para escribir esta saída" no voso diario de viaxes.

Ata o luns!

CARAPUCHIÑA VERMELLA

2011-07-20T08:38:00.000-07:00

Para lembrar un conto tradicional que terá moito que ver cunha das lecturas do próximo curso, botade unha ollada a estes vídeos. Dúas versións, unha delas da editorial Salvat e outra plurilingüe do CEIP Mestre Martínez Alonso, onde (re)descubriremos personaxes e paisaxes que reencontraremos en lecturas futuras.

Maratón de cine e clausura do CLUB

2011-06-02T23:29:00.000-07:00

Aínda que non o pareza pola fotito... por fin chegou o día e fomos ao albergue da vila para pasar unha noite "maratoniana" vendo pelis, rindo, falando e ... case SEN DURMIR, claro.

NON CREADES QUE SÓ TOLEAMOS, como na foto!! Non! Primeiro, como grandes cumpridores que somos os membros do Club de Lectura, fixemos todos os deberes do día seguinte. E despois colocámonos no chan, comodamente deitados en colchonetas e vimos tres pelis: Cumbres borrascosas (un drama de amor e paixóns que algúns salicorni@s cualificaron de "pastelada"); ¿Y tú, quién eres? (unha tenra peli sobre o alzheimer) e Matar un ruiseñor (a mellor das tres para moitos, unha fermosa historia antiracista, sobre a tolerancia e moitas cousas máis). No intermedio ceamos unhas riquísimas pizzas e ao día seguinte, tras unha noite algo "movidita" almorzamos e a clase!

Esta foi a nosa derradeira reunión do club de lectura por este curso. Esperámosvos no próximo curso, con novas actividades, novos libros e con igual ou maior ilusión!!!

Unha aperta a tod@s!

Dos avós aos nenos

2011-05-31T13:12:00.000-07:00

Despois da experiencia cos avós de Laraxe, tivemos un encontro cos nenos de Ombre. Acompañados pola súa profe, Isabel, por catro nais e dous avós, estiveron no noso cole onde María Méndez lles falou da Prehistoria e ensinoulles a nosa cova. Entre ela e Chus axudáronlles a pintar e deixar a súa pegada nas paredes da cova. Despois os nenos e nenas presentáronnos unha actividade relacionada cos romanos na que vimos todo o traballiño que había detrás, todo o que aprenderan, o que sabían e o ben que o pasan coa súa profe.
Un bico a tod@s e ata o ano que vén!

VISITA AOS AVÓS DO CENTRO DE MAIORES DE LARAXE

2011-05-30T03:29:00.000-07:00

Foi emocionante a experiencia no Centro de Maiores de Laraxe. Case todos choraron! Os maiores foron moi agradecidos e lles gustou a nosa visita. O que máis me gustou foi o final: os avós cantaron e bailaron connosco! Puxéronnos pinchos e todo! En definitiva: PARA REPETIR!!! :)

Estas son as palabras de Andrea Piñeiro que reflicte o sentir de todos os participantes na actividade que o Club de Lectura realizou no Centro de Maiores de Laraxe o pasado 24 de Maio.

Falamos da escola e antes e de agora, representamos unha pequena comedia, contamos contos, recitamos, emocionámonos cos avós e cantamos e bailamos con eles.

Foi unha moi boa experiencia.

E aquí tedes A CARTA AOS MEUS AVÓS que Silvia Blanco ecribiu e leu e que supoño que todos nós poderiamos dedicar aos nósos maiores:

CARTA AOS MEUS AVÓS
Dende o 21 de novembro de 1995,
data na que eu nacín, sempre estivestes aí:
nos meus primeiros pasos,
preparando as miñas primeiras comidas,
vendo caer os meus primeiros dentes....
Fostes case os primeiros en collerme no colo
e eu fun a máis experta coñecedora das vosas apertas,
agarimos e bicos.
Que orgullosos estabades de pasear á vosa meniña,
de coidala, vestila, peiteala...!
Déstesme todo o cariño do mundo!
Seredes como todos os demais avós, claro,
pero para min sodes ÚNICOS!
Moitos de nós debévosvos todo o que somos
porque nos educastes,
acompañástes ,
quixéstesnos e déstesnos calor,
coidástenos...
E todo iso non se pode agradecer só
con simples palabras.
Eu quero agradecérvolo
sempre cos meus bicos
e con todo o cariño
que poida darvos.

GRAZAS, AVÓS!

A vosa neta, Silvia.

Día do libro en Ourense lendo o Principiño

2011-05-10T00:38:00.000-07:00

Para celebrar o día do libro O Club de Lectura Salicornia desprazouse ata Ourense acompañado por alumnos e profesoras do IES Castro da Uz de As Pontes.
Alí, ademais de visitar coa axuda dunha guía profesional a cidade de Ourense, poidemos disfrutar dun baño nas termas de Outariz e da recepción do Alcalde no magnífico salón de plenos do concello.
Na Praza Maior fixemos a lectura continuada do Principiño de Antoine de Saint-Exupéry en portugués, francés, castelán e galego. Cada lector escoulleu unha palabra e escribiuna nos paneis dos dous centros. Pola tarde, sentados baixo a árbore do paraíso do horto que o concello está a preparar, compuxemos, coas palabras escollidas, un fermoso poema colectivo:

Nun libro sobre a Selva Virxe
fálase de miles de estrelas
dun esquecido deserto
onde habita un antigo misterio.

Alí, unha pequena e máxica fada,
ferida por espiñas de rosas,
agarda a chegada dun príncipe
sentada á sombra dun baobab.

La tierra en que vivía
representaba la suavidad eterna
e durante o crepúsculo,
as inxenuas estrelas
desaparecían co fin da noite.
Con multitude de cores
unha erupción se mostraba,
con moita dozura ao amencer,
e a cor vermella asomaba.
A insoportable queimazón do Sol
arelaba o extenso mar,
un mar sabio, profundo e perigoso
que sólo un vanidoso héroe podría surcar.
Só a el deberiamos admirar.

Pero... es preciso no olvidar el misterio del desierto
de dunas de arenas doradas,
nin a esquecida illa rodeada de arrecifes de coral.
Fantasías divertidas ,
aventuras extraordinarias,
noites claras
que o príncipe devecía por percorrer a alancadas
que o mergullasen en brillantes océanos venturosos.

Todo estes misterios non se poden ler nos libros,
nin desvelar naqueles mapas debuxados por xeográfos,
borrachos de paisaxes,
que sucumben a grandiosos e infinitos ceos de zafiro
escurecidos pola lúa de prata.

A xa débil fada, cansa de esperar,
camiña por rochas perigosas,
labrando un camiño firme e seguro,
sendo astuta coma un raposo.
Na súa longa viaxe atopou un planeta
en el que el tiempo no pasaba
lonxe da sombra do baobab.

E alí, nese planeta... comprenderás
que hay un secreto y un misterio siempre presentes...
ata que ... camiñando de présa,
agochado entre os viaxeiros,
llegue el príncipe a la fuente del árbol del paraíso!

VISITA A VILLA FLORENTINA

2011-05-10T00:27:00.000-07:00

O pasado 22 de marzo, despois de ler O bosque animado de Wenceslao Fernández Flórez, visitamos a casa-museo do escritor -Villa Florentina-, coñecemos o espazo real que inspirou a novela e mergúllamonos na fición a través dun xogo de pistas encadeadas ás árbores do xardín. Así enlazamos literatura e natureza (o 2011 é o Ano Internacional dos Bosques, a obra literaria e o autor, a realidade e a fición.

Estivemos en Ourense

2011-05-09T13:05:00.001-07:00

Igual que en anos anteriores, fomos celebrar o día do libro, esta vez a Ourense. Alí lemos O principiño nas escaleiras da Praza Maior. E despois de ir ás termas de Outariz, fixemos o poema coas palabras tiradas da lectura.
Aí vai esta marabilla que vos saíu!!!

As manifestacións corpóreas de Gurb e o seu compañeiro de viaxe

2011-03-08T06:09:00.000-08:00

O personaxe que protagoniza Sin noticias de Gurb non é Gurb, senón o comandante da nave espacial na que chegaron á terra. Gurb é importante pola súa ausencia (o seu comandante percorre a cidade buscándoo) e polo desenlace, que aquí non descubro para que sexa unha sorpresa.
Estes extraterrestres son só entes pensantes sen corpo, polo que a súa estancia na terra esíxelles adoptar forma humana e, para facelo, botan man da información visual da que dispoñen. Gurb escolle a imaxe corporal de Marta Sánchez e non a cambia, pero o seu compañeiro adopta varias formas que, se miramos ben, dinnos moito da súa personalidade: escolle sempre figuras masculinas con certa relevancia social e aspecto físico destacado. É xefe, síntese xefe e transfórmase en xefe terrícola.
A composión fotográfica que podedes ver amosaravos o contraste físico entre Gurb e o seu compañeiro de viaxe, así como os diferentes aspectos deste último.

Como nos ven os extraterrestres aos terrícolas

2011-02-25T13:10:00.001-08:00

Así nos ven os habitantes doutras galaxias:

“Os seres humanos, a semellanza dos insectos, atravesan por tres fases ou etapas de desenvolvemento, se o tempo o permite. Aos que están na primeira etapa denomínaselles nenos; aos da segunda, currantes; e aos da terceira, xubilados. Os nenos fan o que se lles manda; os currantes, tamén, pero son retribuídos por iso; os xubilados tamén perciben cartos pero non se lles deixa facer nada porque o seu pulso non é firme e soen deixar caer as cousas das mans, agás o caxato e o xornal. Tamén hai unha cuarta etapa ou condición, non retribuída, que é a de fiambre, e da que máis vale non falar”.

“Primeiro contacto con habitante da zona. Datos: tamaño do ente, 170 cm.; perímetro craneal, 57 cm. ; número de olos: dous; lonxitude do rabo, 0.00 cm. (carece del). O ente comunícase cunha linguaxe de gran simplicidade estrutural, pero de moi complexa sonoarización, pois debe artellarse mediante o uso de órganos internos. Conceptualización escasísima”.

“Falan, longamente e a berros, con acompañamento de acenos e xestos horribles. Aínda así, a súa capacidade de expresión é limitadísima, agás no terreo da blasfemia e a palabra soez, e nas súas alocucións abondan as anfiboloxías, os anacolutos e as polisemias”.

“Non hai en todo o Universo chapuza máis grande nin trasto peor feito có corpo humano. Só as orellas pegadas ao cráneo de calquera modo, xa bastarían para descalificalo. Os pés son ridículos; as tripas, noxentas. Todas as caveiras teñen unha cara de risa que non vén a conto. De todo iso os humanos só son culpables ata certo punto. A verdade é que tiveron mala sorte coa evolución”.

NON SAÍMOS MOI BEN PARADOS, VERDADE?

Sin noticias de Gurb.

2011-02-24T02:22:00.001-08:00

Olaaaaaaaaaaaa!
Levo xa moito tempo sen facer unha entrada eeh !jaja
Bueno xa temos novo libro "sin noticias de gurb"de Eduardo Mendoza, a xente toda xa o leu menos eu e Claudia que fomos a Jaca. E agora non nos enteramos de nada , estamos a falar de botar a profe de francés porque non ven nunca o club , e non xustificou as faltas aínda , imos ter que tomar medidas !
A profe está a dicir que onte leu todo o libro e baixou todas as fotos dos personaxes citados no libro, para que saibamos quee apariencia ten Gurb (Marta Sánchez) e cales adopta o seu compañeiro que son moi variadas , algunhas delas : El Conde Duque De Olivares , Paquirrín, Julio Romero De Torres , Pío XII, Gandhi, Gary Cooper, Cousteau, Gilbert Becaud, Eisenhower...
Esta vez ímola perdoar porque fixo un bo traballo (:

Bueno xa vos contarei máis no próximo día !
Ángela

Novo libro en 3º e 4º ESO para os salicornios-as

2011-02-11T12:13:00.000-08:00

Este é o libro que lerá o club de lectura de 3º e 4º ESO:

Matar un ruiseñor
preséntanos unha protagonista moi nova pero intelixente, Scout Finch, que vive nunha vila de Alabama nun momento histórico no que os negros comezan a alzar a voz, mentres os brancos estreitan máis o cerco do racismo.

Scout, a nena de 9 anos protagonista da historia, no vive allea a estes acontecimientos, pero ten problemas máis serios que atender: averiguar qué sucede na sinistra casa de “Boo” Radley. Quen é exactamente, e por que só sae polas noites?

LEDE UNHA OPINIÓN:
"Creo que hai tres razóns polas que a xente volve unha e outra vez a ler Matar un ruiseñor:
Primeiro, porque é unha boa historia e sempre haberá sitio para as boas historias.
Segundo, porque o libro trata un tema esencial en todas partes: o desafío de vivir en paz con xente que é diferente.
E terceiro, porque esta novela comparte algo con moitas outras grandes creacións literarias. Pregúntache:

Que farías ti? Defenderías o que cres xusto, como Atticus, aínda que te enfrontases ás críticas e mesmo ao odio?"

POIS CANDO REMATES DE LELO, RESPÓNDETE A TI MESMO...

Novo libro en 1º e 2º ESO para os salicornios-as

2011-02-10T14:20:00.000-08:00

Este é o libro que estamos a ler nestes momentos:

Sin noticias de Gurb
O argumento é moi sinxelo: Dous extraterrestres, Gurb e un anónimo marciano (sen nombre), recalan na Terra, nos arredores de Barcelona, debido a unha avaría na súa nave espacial. Son incorpóreos e poden adoptar a forma que lles apeteza. Un de eles, Gurb, decide investigar todo o que lle rodea adoptando o aspecto físico da famosa cantante Marta Sánchez. O seu compañeiro decide seguir os seus pasos por Barcelona, consciente de que sen Gurb non pode facer nada, e irá narrando todas as súas experiencias en forma de diario.

ESPERAMOS QUE O PASEDES BEN LENDO A EDUARDO MENDOZA!

Despois de ler Makinaria

2011-02-06T09:50:00.000-08:00

Unha profe -Rosa Salgueiro- prestounos as súas actividades sobre o libro de Carlos Negro. Cando rematedes a súa lectura, farémolas en común, pero podedes botarlles un vistaciño antes premendo no enlace.

Uns poemas recitados

2011-02-05T09:07:00.000-08:00

Escoitade estas marabillas recitadas do libro que estades a ler no CL de 3º e 4º. Dous son da derradeira parte de Makinaria e realmente neles está a mensaxe que Carlos Negro quere enviarnos co seu libro. Só tedes que pensar en que unha porcentaxe moi grande de xoves perden a súa vida nas estradas nos fins de semana...
Escoitádeos aquí ("Game over") e aquí ("Mamá Carme") con atención. Paga a pena! (Sabedes quen recita?) (Podédelos ler aquí o de Mamá Carme e aquí o de Game over, á vez que escoitades).

Tamén podedes ler os que recitaron Diego, Fer e Miguel Forcelledo para vós no club de lectura do venres. (Subirémolos a este blog cando os gravemos para que os escoitedes xa que se esforzaron moito para recitalos ben).

Club de lectura 1º e 2º

2011-01-24T09:08:00.000-08:00

Hola, sinto moito por tardar moito en facer as entradas pero e que sempre me esquezo jaja .
O xoves acabamos de comentar o libro "mi familia y otros animales" e xa o rematamos todos. As profes decidiron ler "o señor Ibrahim e as flores do Corán" , que por certo e un libro moi entretido e que xa leron os do club de lectura de 3º e 4º .
Tamén nos deron un gran sorpresa ! En mayo quedamonos a dormir ... NO COLE ! Imolo pasar moi ben vendo pelis todos xuntos , o que van pasar as profes.. jajaja !
E xa está nada máis que contar ! Ata o proximo día.

ÁNIMOS PARA LER

2011-01-06T01:39:00.000-08:00

Se premedes aquí ides ver un vídeo dos profes da Sprague Elementary School (USA) no que animan á lectura dunha forma moi especial... Fixádevos ben e ide pensando nunha coreografía porque... :-)

Un novo día

2010-12-09T05:38:00.000-08:00

De primeiro boas , sinto non escribir estas últimas semanas pero e que Begoña xa non trae o portatil e nunca me acordo de escirbir , jaja .
Hoxe coma sempre falamos e falamos do libro , aínda que ninguén leu nada . Falamos do libro en xeral e recordamos un par de detalliños do que xa lemos .
Pero hoxe foi algo diferente , pois as profes trouxeronnos unha pila de caramelos , para que nos quedemos sen dentes ou eso parece , jaja . Comimos todos un montón , pero ainda asi sobraron por que somos pouquiños e eran moitos caramelos .
Bueno hoxe hai pouco que contar , pois hai moitos exames e non podemos ler , asi que ata a proxima !
Abur!(:

Tivemos uns falliños

2010-12-06T11:23:00.000-08:00

Aquí estou, despois de .... pareceme que duas semanas sin poder escribir ! Eque con tanto axetreo que hai agora no Castro Baxoi isto é IMPOSIBLE. Primeiro non funciona a Aula Virtual, logo Begoña esquecese o portatil... Así non se pode traballar! Jajaja
Bueno, falando un pouco do que temos que falar: Nós 3º e 4º xa rematamos o noso libro do Señor Ibrahim e as flores do Corán, e agora tocannos ler uns contiños que escolleu Bego. Ata agora lemos só os dous primeiros (O Lago, e o da Arbore) , na última reunión estivemos a falar deste último. A case todos nos gustou! A min encantoume! Pero as persoas que as ironías non lles gustan (como é o caso de Alba) non lles gustou en absoluto :( (pobre Begoña que o fixo con toda a súa boa intención jajaja)
O do Lago en xeral gústou, sobre todo o enriquecemento das descripción que o fan moi "xugoso" a hora de comentalo. O máis chamativo deste conto é todo o que nos dá para pensar: ¿onde estará o home? ¿por qué se reirá a xente? É un conto para "intelectuales" jaja.
E bueno, xa me despido... Tiven pouco tempo para facer esta pequena entradiña, e... espero que vos guste moito!
Un saudo!
Patri 4ºA

CLUB DE LECTURA 25-11-10

2010-11-25T12:54:00.000-08:00

Hoxe non foi un día de moitos comentarios no club:
entre os exames e a reunión de delegados ... SOLO FOMOS 4!
Menos mal que as nosas profesoras non nos fallan .
Estivemos a falar do que limos esta semana:
os personaxes novos , as nosas impresións...
Chegamos a conclusión de que a nai da familia, non se comporta como unha nai, comportase coma unha especie de amiga .
Tamén estivemos a falar de personaxes novos que volveron a aparecer nos últimos capítulos.
Foi unha reunión un pouco aburrida pola falta das diferentes opinións que hai sempre, pero esperamos que a semana que ven xa estemos todos !
Ata o xoves , e lede moito!

18-11-10 Club de lectura 1º e 2º

2010-11-18T02:33:00.000-08:00

Estivemos a falar moitísimo , esta vez veu a profesora de Lingua Castelá Ana Andrés .
Ela xa lera o libro fai tempo pero Óscar recordoulle un pouco o que pasa e por donde ibamos.
Falamos todos un pouco , e Ana Andrés explicounos todo mellor para que o comprendesemos . No libro aparecen máis personaxes novos todos moi raros.
Esta vez limos só dous capítulos e non temos moito que contar entón despedimonos ata a semana que vén !
Abur !

Segundo día no club ! (:

2010-11-11T02:30:00.000-08:00

Estivemos a falar moitisimo sobre o libro e especialmente sobre un personaxe chamado Spiro. Este presonaxe emigrou das illas os EE.UU e aprendeu o idioma na rúa. Entón e o unico na illa que fala inglés pero moi malo. E nos fixo moita gracia como escribe o autor o seu falar.
Este libro é auto-biografico porque o protagonista conta a historia de cando era pequeno.
E o protagonista non iba ao colexio por eso a nai adicoulle un profesor, pero el non quería dar clase só das ciencias naturais , entón o profesor que era George para ensinarlle xeografía dicialle os animais que vivian en cada sitio.
A todos nos encanta porque as descripcións dos animais e todo o que di é xenial.
E bueno acabouse o recreo , ata o proximo xoves ! (:
Ángela.

Segundo día de 3º e 4º

2010-11-09T02:26:00.000-08:00

Hoxe tibemos que cambiar o noso lugar de reunións, estaba ocupado !!
A maioría dos compoñentes xa acabamos o libro e todos temos algo que dicir... do final sobre todo. E de Popol, que uns decatanse porque él existe que é un fillo ue tivo o pai conoutra muller e o resto dí que non existe.
Comentamos tamén unha liña do libro que é moi fermosa, e fala dos bailes que facían o Señor Ibrahim e Momo no seu viaxe... nese fragmento ensinalle a facer unha viaxe a dentro de si mesmo... Momo cambia de relixión ao final, ao final transformase no árabe da rúa, que pode ser nos dous sentidos: tenda aberta, e a relixión.
Ana dinos que as flores do Corán teñen tamén un sentido espiritual.
Nerea dinos que non lle gustou nada o final, porque acaba coa morte do Señor Ibrahim, e así desvelamoslle "sen querer" o final a Silvia que estaba a piques de rematalo.O balance da vida da do Señor Ibrahim é positivo, viviu a súa vida sempre cun soriso.E foi outro dos mensaxes educativos deste.
"Voume reunir coa inmensidade" son unhas das últimas palabras do Señor Ibrahim, algún din que se vai reunir coa súa muller, e coas persoas que él quixo, e que unha persoa non morre mentres alguén a siga pensando e recordando.
En xeral o libro gustou bastante, algúns como Ana queixanse do tamaño (o libro é bastante pequeno). Bego quere buscar a peli para que a vexamos todos.

Patri 4ºA

Primeiro día no club 1º e 2º da ESO.

2010-11-04T03:28:00.001-07:00

A reunión comezou comentando un pouco sobre o que limos. Diciamos que o libro ao principio era un pouco complicado de entender. E que os personaxes eran un pouco raros. Fixadevos que por exemplo, non paraban de buscar casas con baños e non as atopaban. Tamén crían que as alcantarillas producían enfermidades.
A continuación comentamos unha serie de animais que aparecen no libro.
Un dos preferidos da profe de francés Carmen Presedo era un chamado Crisopa.
Se queredes ao final do libro hai unha lista de todos os animais que nombra o autor.
Tamén é interesante a biografía do autor,porque este monta un zoo e sería interesante que a leades.

Mi familia y otros animales

2010-11-03T15:23:00.000-07:00

Mi familia y otros animales de Gerald Durrel vai ser o primeiro libro do noso club para o grupo de 1º e 2º de ESO. Tal como o seu nome indica está cheo de animais porque esa é a pasión tanto do narrador da historia coma do propio autor.
Corfú, unha illa grega, é o lugar no que discurre a historia. Alí imos descubrir a vida de moitos pesonaxes que fascinan ao protagonista, pero tamén plantas e insectos.
Para saber algo máis dalgúns destes bechiños, lede esta pequena presentación:

Mi familia y otros animales_insectos

Publish at Calaméo or browse others.

Premede AQUÍ para ler con maior comodidade.

Primeiro e Segundo día de 3º e 4º ESO no noso club :)

2010-11-02T03:23:00.000-07:00

1º DÍA!!!!!!!!!!!!!!!!:Hoxe, día 28 de Outubro comeza o Club de Lectura Salicornia do curso 2010-2011.
Este ano cambiamos os miembros, xa sabedes, uns vanse, otros veñen... Os vell0os deixan sitio AOS novos, soese decir,non?
Pois as profes seguen sendo as mesmas, aínda que hoxe faltaba algunha. Chus, Bego e Carmen Presedo seguen estando, as duras e as maduras!
No Club de Lectura somos moitísimos, cada vez somos máis os aficionados a lectura... Esta moi ben que o podamos compartir (: Debemos de ser...mm...uns trinta! Por iso temos que facer dous grupos: por un lado, cuarto e tercero que temos a sesión os martes, e por outro primero (é a primera vez que os alumnos deste curso se poden apuntar) e segundo, eles terán as reunións os xoves. O primero grupo, o formado por cuarto e tercero comeza lendo O señor Ibrahim e as flores do Corán, un libro curtiño e sinxelo. E o segundo grupo, formado por primero e segundo comeza lendo : Mi familia y otros animales.
Como non, o primero día as profes xa nos teñen traballo xD Este ano temos que rechear unha libretiña con comentarios dos libros, dos nosos compañeros... E a mellor libreta levará un premio!(:
O primero contacto deste ano co Club de Lectura Salicornia foi un tanto frío, ou mellor dito tímido, é normal algúns aínda non saben como vai a cousa...aínda que hai otros que o saben xa de sobra.
O sitio onde celebraremos este ano as nosas reunións é moi, moi particular jaja. Temos moita intimidade xD
Colgados das cortinas temos uns carteliños todos dedicados en especial a lectura, son todos eles moi feituquiños a decir a verdade!
Hoxe comeza un novo curso no Club de Lecutura, espero que o pasedes ben e que, sobre todo leades moito que para iso é xD
Un saudo a todos-as!

2º DíA!!!!!!!!!!!!!!!!Aquí estamos, o grupo de terceiro e mais cuarto...Hoxe estamos todos. Tiñamos que leer 25 páxinas do noso libro: O señor Ibrahim e as flores do Corán.
Algúns xa o acabaron, pero outros "despistados" jajaja, aínda non leron nada.
Comezamos falando do protagonista : Momo. De como é, de onde vive, dos seus coñecidos...Momo é un neno moi maduro para a súa idade.
Carmen nos explica onde sucede toda esta historia: París.Explicannos a diferencia entre "árabe" , "musulmán" e "xudeu". Dannos a idea de facer un mapiña para distinguir os paises, así que aí o tedes xa colocado nesta entrada.
Momo define ao Señor Ibrahim como un home que "sempre foi vello", e que sempre facia o mesmo, ata que un día chegou a súa tenda unha sex-simbol francesa dos 70.
Ana nos explica que os conflictos entre as diversas culturas que se amosan no libro, non aparecen mencionados.
Como o resto dos anos as profes son as que máis falan, pero este ano (debe de ser ao ser menos), falamos mais todos-as.
Falamos da achicoria:. Bebida que se fai pola infusión da raíz tostada desta planta e que se utiliza como sucedáneo do café.
Temos que seguir lendo ata a páxina 50, ou acabalo.. que co curtiño que é non nos vai levar nada:)

Patri.

Comeza a andaina do CL Salicornia

2010-10-28T07:28:00.000-07:00

Este curso (2010-2011) temos novos grupos, novos alumnos e alumnas, novo lugar de encontros...
O Club de Lectura Salicornia conta este ano con:

1ºA: Elena Anido Fanego, Helena Fernández Vales, Lucía Segovia Fernández, Tamara Allegue López, Aldara Comeselle Cortizas, Martín López Cagiao, Raquel Boado Pincheira.
1ºB: Carmen Valiño Álvarez
2ºA: Ángela Alage Rodríguez, Iago Pena Morado, Andrea Seijas Agra
2ºB: Antón Abuín Vilariño, Óscar Pérez Vila, Claudia Paz Vargas, Nerea Rondelo Bastida
3ºA: Tamara Bello Dopico, Alba González de Bernardo
3ºB: Carlos Bouza Castiñeira, Kathy Sagarduy
4ºA: Silvia Blanco Fraga, Patricia Freire Loureiro, Carla Rivera García, Irene Valiño Pato, Nerea López García, Alex Pérez López.

A partir de agora, deixámosvos coas novas blogueiras: Patricia e Silvia (4º A ESO) serán as que escriban as entradas para que poidades comentar. Ánimo e a ler!

SNIF!!!!!!!!!!!!!!!!!!

2010-06-15T07:11:00.000-07:00

Hoxe...despedimos o club:(
Despois de 9 meses compartindo lecturas e opinións, despois de viaxar , leer, contar contos, poñer palabras, gravar...despois de todo o feito este ano chega a hora da despedida:(
Xuntamonos no recreo, pero hoxe non foi na olorosa aula de usos múltiples onde este ano comenzamos a nosa aventura senon en 4ºA xa que usos múltiple estaba ocupada.
Como boa despedida, xuntamonos todos e vimos o feito este curso, unha guia fantastica que recolleu todas as nosas actividades, escoitámonos poñéndolle palabra a emigrantes, vímonos contando contos e como non...COMEMOS!unhas magdalenes boísimaas que nos fixo Bego(Gracias) e uns cacahuetes, pistachos e pinchos varios:D
Todas ás despedidas soen ser amargas, para moitos de nós era a nosa última vez, para outros a última pero só por este curso, a todos os que non vos quedades decirvos que repitades e os que non estivéstedes este ano, decirvos que vos apuntedes, que é xenial, as actividades son super entretidas e as lecturas levánse bastante ben.ANIMADEVOS!
Pois ata aquí esta aventura e ata aquí tamén a miña última entrada neste blog, non sen antes darvos as gracias, a TODOS, as profes que nos dístedes a oportunidade de participar e nos organizáchedes as fantasticas actividades, ós meus compañeiros porque sen eles non sería posible, ó colexio por permitirnos facelo, a Inés Cuadrado e a Jesús Glez pola súa visita que foi maravillosa, ós nenos e profes de As Pontes pola viaxe a Porto, ós nenos e profes da unitaria pola súa atención e por portarse tan ben con todas nós, gracias tamén a Brais que nos gravou a voz, a cara e nos axudou en todo o que lle pedimos. Isto acaba pero non deixedes de pensar que para o ano máis e millor:Dnon vos esquezades dos primeiros membros, eses que lle demos nome o club, que estaremos encantados de acompañarvos na cantidade posible de actividades maravillosas que estou segura ides ralizar.
Sen mais...Despídome de todo isto desealle moita sorte a miña/meu sucesor/sucerosa.
Mil bicos.
Marina.

Temos xa as palabras!

2010-06-07T11:08:00.000-07:00

Por fin! Aquí están xa as palabras que as salicornias puxeron ao libro de Emigrantes. Escoitádeas como despedida do club neste curso. Ata o ano que vén, salicornios-as! Bo verán e boas lecturas.

Contadoras de contos en Ombre

2010-05-14T11:43:00.000-07:00

Chus preparou a fondo a experiencia que resultou preciosa, divertida, gratificante... para todos-as: as nenas do Club de lectura, o "enxeñeiro de imaxe e son" (Brais Chao), profes, nais (había dúas asiduas colaboradoras de Isa, a profe da unitaria)e tamén para os pequerrechos da escola.
Todos-as queremos volver. Para o ano esperamos que sexan estes pequenos os que nos veñan facer unha visita. Agora lede as palabras que nos escribiu a profe:

"Que ben que as rapazas se sentiran tan ben. Está claro que cando hai vontade de compartir ábrese un campo de benestar do que todos participamos... Cando somos capaces de facelo ben os alumnos/as valórano e disfrutan. Aquí tamén quedaron encantados e incluso, un deles quería ir ao voso instituto. Quedaron tan contentos que a palabra Miño convertiuse nun elemento significativo que xa ubicamos xeograficamente e que deu pé, co gallo das Letras Galegas e o poeta do Courel, a situar elementos xeográficos como as serras e o río Miño. Por algo os signos teñen dúas partes e unha delas claramente é a asociación que con elas facemos coa realidade. Neste caso, queda claramente asociada a un lugar non moi lonxano, do que veu a palabra, a historia e a amizade. Unha aperta grande para todos e non nos imos esquecer que temos unha cita pendente todos os anos."

Estivemos en Porto, Portugal

2010-04-25T08:43:00.001-07:00

Fomos celebrar o día do libro 2010, acompañados polo IES Castro da uz de As Pontes.
Ao noso parecer, todos quedamos realmente contentos coa viaxe xa que, aínda sendo tan lonxe, non resultou nada pesada, agás por algúns “pequenos imprevistos”, pero como son tan pequenos... só vos imos contar un: o da famosa “RAMPA” (en fonética portuguesa: “a gampa”). Era en realidade unha encosta xigantesca, moi moi moi pendente, que tivemos que subir despois dunha longa e esgotadora camiñata nocturna pola Ribeira de Porto. Hai que dicir que algúns estamos aquí de milagre xa que case morremos no intento... Suamos sangue para chegar ao cume da “gampa”! XD

Ben, pois o dito. Agás ese pequeno, e sen importancia, incidente que NUNCA esqueceremos e algún que outro máis como estar volta para aquí, volta para alá no bus para atopar o hotel, perdernos e ter que camiñar máis da conta para “atoparnos” ... e darlles algún que outro disgustiño nocturno ás profes... jejeje..., todo foi de marabilla. Vimos a preciosa estación de San Bento e tomamos algo na Praça da Ribeira. E a noite... que noite!!!

Á mañá seguinte, durmíndonos polas esquinas, fomos ao que iamos: LER. Chegamos á preciosa libraría Lello e irmao e non puidemos entrar os 54 que iamos porque como era o día do libro, aquilo era un non parar de xente entrando e saíndo, facendo fotos, comprando, lendo... IMAXINADE!

Pero conseguímolo. Lemos en dúas tandas, serios, traballando, calados e escoitando ao lector de turno. Vivimos esa fantástica experiencia e de aí saíron palabras fermosas que deron lugar ao xenial poema creado por todos nós, con moito esforzo, moitos berros, algún cabreo para que o fixeramos mellor e MOITO SONO (sobre todo iso, pero as profes non nos deixaron durmir nin 5 segundos!) na viaxe de volta. Comentámosvos que o poema o rematamos nós, Andrea e Marina, xusto xusto xusto á entrada de Miño!!! Xusto a tempo. E alí todos aplaudimos cando Chelo o leu en voz alta polo micro.
Con todo isto queremos dicirvos que vos animedes a participar nesta saída, se as profes están dispostas a repetir, jeje, que non desaproveitedes esta marabillosa oportunidade de ver tantas cousas, de pasalo ben, de facer unha lectura e un poema entre todos, de coñecer outros rapaces...

BICOS de Marina e Andrea

Un "glog" sobre Shaun Tan

2010-03-27T09:18:00.000-07:00

Podedes entrar aquí para ler información sobre Shaun Tan e aprender a facer un bonito cartel no que podedes colgar de todo: fotos, textos, imaxes, vídeos... Para isto só tedes que entrar en GLOGSTER na parte superior esquerda e ... fedellar con calma. O programa é moi fácil e intuitivo.

Gravamos e formamos unha familia!!!

2010-03-23T07:18:00.000-07:00

Hoxe Salicornia fai turismo e baixa ata a biblioteca e, para comezar esta nova aventura como lecto-escritoras, fixémolo dunha maneira moi particular: non só lle poñeremos palabras a Emigrantes, senón que tamén aportaremos cada unha de nós unha voz. Tivemos uns pequenos problemiñas co son pero nada que non se poida amañar. A verdade é que o fixemos un pouquiño rápido e non profundizamos demasiado no que din esas espectaculares imaxes de Shaun Tan pero eu estou convencida de que foi cousa dos nervios... todas mirando o que dis e ti só queres acabar e ver como o fan as demais... Sei que o próximo día o faremos moito mellor e que de aquí sairá unha desas experiencias para non esquecer.

Ademais a nosa aventura como "Familia de contacontos" segue en pé; non creades que a cambiamos por Emigrantes, non non non...somos polifacéticos e podemos con isto e moito máis. Hoxe Chus díxonos que iamos ser unha pequena "familia", cun "apelido" moi particular que cada un debe pensar e escoller: unha rima co noso nome, por suposto relacionada co contacontos. Xa vos diremos como nos imos chamar!!!

Pois isto foi todo por hoxe, o último día de Salicornia na segunda avaliación, cada vez queda menos: o verán, as vacacións, a praia, o sol...todo iso está cada vez máis preto, pero para nós tamén as despedidas, incluída a do Clube, pero eu persoalmente non deixarei de pasarme polo blog para ver como o fai a miña ou meu sucesor/a :D

Un bico a todos e grazas por lernos unha avaliación máis.
Marina.

Unha páxina para ler

2010-03-19T09:02:00.001-07:00

Nesta páxina podedes ler e ver moitos libros da editorial Bárbara Fiore. Entrade! Paga a pena!

Outro libro no Club

2010-03-18T13:29:00.000-07:00

Unha imaxe do libro por dentro. A que seriades capaces de poñerlle palabras ás imaxes? Pois intentádeo.

Comenzamos unha nova aventura, algo diferente co que vexo que imos aprender a vez que reflexionar.Trátase dun libro sen palabras, un libro con imaxes que a cada persoa lle vai espertar un sentimento diferente, a algúns cambiaranos a forma de pensar, a outros axudaranos a valorar o que os nosos antepasados fixeron por nós, e incluso a algúns lles será indiferente, triste pero certo. Trátase dun deses libros que vale a pena ver, coa particularidade de que é capaz de trasmitirche sen palabras o que outros non conseguen con 200 follas. Simplemente o título xa nos fai pensar, Emigrantes, e cando abrimos a primeira páxina entramos de cheo nesa historia que cada un vai interpretar...Non sabemos moi ben como sairá isto pero o que si sei é que o afrontamos con moita ilusión, eu polo menos xa que o primeiro contacto foi impactante, símbolos, bágoas, xestos... o claro exemplo de que hai veces que unha imaxen transmite iso que nunca conseguiría unha palabra.
Veremos como continúa esta aventura na que nos ímos enrolar pois vai consistir en sesións de gravación na biblio xa que NÓS POÑEREMOS AS PALABRAS A EMIGRANTES... manterémosvos informados jeje
un bico:)
Marina!!

2010-03-09T02:36:00.000-08:00

Novamente a nosa reunión convertese nunha sesión de contacontos! Chus volvenos recitar contos, hai de todo, presentacións, interpretacions, paneis...DE TODO!:)
Despois de moito cavilar xa temos unha selección dos contos que contaremos cando vaiamos a unitaria de Ombre:
Andrea e Marina: Paco.
Patricia e Silvia: ¿A que sabe la luna?
Luisa: Unha manchea de bicos.
Sara: Los tres cerditos.
Cristina e Laura: El castillo.
Carla e Patricia: O flautista de Amelie.
Noemi, Verónica e Maria Jose: Adiviñas.

Marina

AGORA A PREPARALOS BEN!

HOXE, sorpresiña!

2010-03-04T13:13:00.000-08:00

Como prontiño, prontiño imos ir a Ombre, como xa sabedes, a facerlles de contacontos aos nenos da unitaria, Chus, fixo hoxe de contacontos e deunos uns pequenos consellos!
Hai que ver canto traballou a pobre, ten cousas montadas para acompañar os contos...preciosas!!Dende un libro que se converte nun castelo ata un conto contado a partir dunha pulseira, sí, como o ledes, impresionante!
Tamèn cabe destacar a soltura, naturalidade e experiencia que ten contando contos, paga a pega escoitala!
Agora só temos que escoller un conto e tratar de contalo, non o faremos como Chus, pero sí, teremos os elementos para conquistar a eses pequerrechos.
Pois iso...Moitas grazas, Chus!
Marina!

Contando contos

Publish at Calaméo or browse others.

LIBRARÍA LELLO E IRMAO EN PORTO

2010-03-01T08:58:00.000-08:00

Esta é a fermosísima libraría na que faremos a lectura colectiva para celebrar o día do libro. Recordade que, despois de ler os 3 minutos que vos corresponderán a cada un de vós, tedes que escoller unha palabra, escribila no panel que teremos colocado e despois, no autobús de volta á casa, teredes que compoñer un verso coa vosa palabra integrándoo no poema que vaiamos facendo entre todos. Procurade buscar palabras bonitas no voso texto para que quede un poema interesante, chulo, bonito, ben construído, intelixente, agradable, literario, orixinal... para disfrutarmos todos del. Non esquezades tampouco que colocaremos os paneis (palabras, poema e debuxo) no cole para seguir adornando as paredes cos vosos traballos.

Outra preciosidade de Shaun Tan

2010-02-13T12:47:00.000-08:00

Ademais de Emigrantes, que será o próximo libro que "LEAMOS" entre todos, o autor ten estoutra marabilla. Mirádeo con calma.

Preparando a nova actividade

2010-02-09T11:46:00.000-08:00

Un novo día no club de lectura! Hoxe non nos reunimos na “olorosa aula de usos multiples” senón que baixamos ata a clases de infantil de 5 anos para aprender como se conta un conto aos nenos pequerrechiños!! Porque… dentro de pouco –esperamos- iremos nós a facer o mesmo á escola de Ombre. A súa mestra, Saleta, é quen o conta mentres nós escachamos coa risa!! Son moi cuquiños! =) Os nenos estan moi contentos xa que lles encantan os debuxos do conto: unha Carapuchiña Vermella algo especial... Comezan pechando a boca coa chave que teñen gardada no peto do mandilón. E despois a mestra engáñaos coas cores, coa avoa e co lobo. Pero eles, que coñecen ben o conto, non tragan as mentiras. Saben que a carapuchiña é vermella, que a quen a nena vai ver é a avoa e que o animal que aparece no bosque é un lobo e NON unha xirafa –como aparece no conto-.
Ó final, comézalles a facer unhas cantas preguntiñas sobre o conto..e parece que estiveron moi atentos porque non faian nin unha! E hala! Todos para os seus sitios e a seguir traballando no que estaban!! Que obedientes! Non se parecen nada a nós, verdade? Jajaja… Non só os nenos o pasaron ben, tamén nós pasamos un anaco divertidísimo!! Esperamos volver pronto e pasalo tan ben como hoxe e ter aprendido a contar ou ler un conto aos pequechos!

Biquiños! Andrea e Fani =)

NOVO LIBRO

2010-02-08T07:39:00.001-08:00

Pronto comezaremos un novo libro no club, así que bulide para rematar O clan do oso cavernario. Esta vez faremos algo diferente!!! Esperamos que resulte divertido e interesante.
Na imaxe tedes o libro que "LEREMOS" entre todos-as.

PREPARANDO A ACTIVIDADE DO BIBLIOBÚS

2010-02-08T07:32:00.000-08:00

O martes 9 de febreiro non esquezades que imos á clase de Saleta para aprendermos a contar contos aos pequechos. Pronto iremos facerlles unha visita aos neniños da unitaria de Ombre e hai que coñecer "truquiños" para que se enganchen no que lles imos contar e ler.

E dálle coas broncas!

2010-02-01T13:06:00.000-08:00

Hoxe por fin a esperada bronca!! por fin todos aqueles que non pisaban a olorosa aula de usos multiples dignaronse a recoñecer que non queren formar parte do magnífico club que temos montado e deixaron a porta aberta a novos membros. Así que marcharon 5 e ingresaron 4... quedamos case como estabamos, pero agora espero que sexamos máis serios!!!

Despois..todo coma sempre..comentamos o libro,uns lerono..outros non ..pero bueno..a charla estivo ben e:
Unha magnifica novidade...IMOS REALIZAR UNHA NOVA ACTIVIVADE: UN BIBLIOBUS!!!co colexio de Ombre...seleccionaremos libros levarmosllos,comentaremosllos,deixaremosllos alí e volveremos a por outros o cabo dun tempiño..pareceme algo fascinante!!participar tan de cheo con eses pequerrechiños (son 15 nenos entre 4 e 8 anos) que estou segura que lles encantará a nosa visita...:)
un bico!ata a semana que vén! Que prometemos contar máis cousas do libro. A ver se desta vez vai todo en serio.

marinA!

REUNIÓN POST VACACIONAL e vai de bronca!

2010-01-13T12:58:00.000-08:00

Bueno pois unha vez mas,unha evaluacion máis...UN ANO MAIS(feliz ano a todos)reunimonos aquí,na olorosa aula de usos multiples para comentar os 6 primeiros capitulos de"El clan del oso cabernario"parece que de momento non ten moito exito...só unha persoa leu ós 6 capitulos(moi ben patricia os demais...asi mal imos)e Andrea quedaouse no 5...ben temén..os demais...somos un desastriño!jeje despois destas confesións sobre o que deberiamos facer pero non fixemos jeje comentamos un pouquillo a vida nestes tempos...vida totalmente diferente a nosa,Andrea en total desacordo...Carmen fixo uns papeliños preciosos con fragmentos moi bonitos do libro que ela xa acabo despois de estar onte hasta as 4 de mañá(eso sería porque lle gustou:)preguntamonos sobre a forma de comunicarse...por sons xestos...Tamen falamos do taller que imos ter o luns..que ganas..non vos esquezades por nada do mundo do que tedes que traer:CARTABON,ESCUADRA,LAPIZ,GOMA e ROTULADOR NEGRO!!!!!!!!Por certo...aprobeito que me toca escribir para decirvos a toda esas persoas que PASADES DE TODO e non ides nin un só día as reunións(dudo moito que leades isto)que xa vos vale,que houbo xente que se quedou sen ir par aque agora veñades vos e pasedes de todo..isto vai cambiar,que o sepades todos...non vale esta só para perder clase:(e despois desta...opinión persoal jeje só dicirvos que leades moito que o martes que ven...máis e mellor!

marina!

TROCO DE LIBROS

2010-01-10T08:37:00.000-08:00

Entra en BookMooch, que é unha comunidade virtual para intercambiar libros usados. Nela podes entregar libros que xa non necesitas a cambio daqueles que queres. Dar e recibir, esa é a clave. Cada vez que lle dás un libro a alguén, gañas UN PUNTO e podes obter outros libros. E se non queres os puntos, podes doalos a organizacións solidarias que reparten libros en hospitais de nenos, a bibliotecas con poucos recursos, a países onde os libros son difíciles de atopar...

2010 LECTOR!!!

2010-01-08T09:20:00.000-08:00

Declarado pola Xunta de Galicia como o ano do libro e da lectura. Aquí vos deixo o programa das actuacións que coinciden coa celebración do Xacobeo. Lédeo, hai cousas que prometen, como a creación dunha biblioteca de contos creados por escolares, que se editarán e conservarán nun lugar específico; tamén parece que por fin se abre a Biblioteca de Galicia, na Cidade da Cultura de Santiago de Compostela; realizaranse, en trinta concellos polos que transcorren os nove camiños que levan a Santiago, os "Camiños de mar e lúa" que consistirán en trinta espectáculos de poesía e música, de maio a xuño; e outros proxectos como a "Noite dos libros" ou "Libros sobre rodas".

El clan del oso cavernario

2009-12-16T15:32:00.000-08:00

Durante un momento da prehistoria conviviron duas ramas de homo : o Neanderthal eo cro-magno; deste feito nace esta novela. Lede a seguinte Presentación para ver en que se diferencian e se asemellan estes Homínidos prehistóricos e disfrutade algúns fragmentos da vida de Ayla (rapaza Cro-Magnon) e da súa familia adoptiva (un clan de neanderthales).

El clan del oso cavernario_citas_homínidos
Publish at Calaméo or browse others.

Premede AQUÍ para ler a presentación.

Pinceladas prehistóricas

2009-12-09T15:10:00.000-08:00

ÁRBORE DOS HOMÍNIDOS

2009-12-08T13:56:00.000-08:00
Para saber algo sobre a evolución da nosa especie e aclararvos coa historia que nos conta J.M Auel no Clan do oso cavernario, podedes entrar aquí. Parece algo lioso pero é moi interesante e todo o que leades está contado polo antropólogo Arsuaga, do proxecto Atapuerca.

LIBRO ELECTRÓNICO, E-BOOK...

2009-12-05T11:17:00.000-08:00

Mentres esperamos a nova reunión do club (esta semana tampouco nos vemos), vai unha información sobre o libro electrónico. O olor e o tacto do papel dun libro non é fácil de superar, pero... ¿imaxinades poder levar 3.500 libros nun pequeno formato de 175 gramos máis ou menos? Con só premer un botón podemos ler unha BD, El Quijote, un libro de poesía... Aínda son algo caros pero é unha tentación pedilo aos reis, non credes?

RESUMO do martes

2009-12-02T12:21:00.000-08:00
Aquí estou, aínda que con retraso. Tratarei de facer un resumo dese día, aínda que a memoria non é o meu, jejeje...

Bueno pois un dia máis no blog...xa levávamos sen vir e!
Nótase que estamos en exames que aqui falta moita xente..unha por estudar,é certo,e outra moita por vagancia!
Aquí estamos uns cantos..esperando por Begoña que nos puxo unha foto dun enigma aí e..non sebemos que é o enigmatico..
Esta Begoña...a famosa foto enigmatica era un mero "exemplo" o verdadeiro enigma está chagando...bueno..despois de esperar polos tardóns...intentar resolver o enigma..empezamos a facer o que viñemos facer..por unha parte temos zara...rematada por algúns e nin empezada por outros jeje os que o remataron(Cris incluida:)gustoulles moito ...despois de rematar Zara..empezamos...El clan del oso cabernario...limos o principio...a nena sobrevive e chega a xunto os neandertales...e pouco mais..Carmen P. e CArmen S.din que van falar con Maria que necesitamos un pequeno repaso de historia..non se equivocan..
Polo de agora as opinións son diferentes...a uns lles gusta e a outros non tanto pero bueno isto cambiara que ainda estamos no principio:)
un bico!
Marina !

RESUMO do día 1

2009-12-01T08:09:00.000-08:00
Hoxe non puidemos baixar o ordenata á reunión do club. Un fallo na Rede impediu a conexión, así que contaremos todo dentro duns días e non será en directo como outras veces... Sentímolo.
Ata pronto.

Seguinte libro, salicornios-as!

2009-11-25T13:38:00.000-08:00

Este martes non tivemos club, ocupouse a "olorosa" sala de usos múltiples. Botámosvos de menos. Ídevos preparando para comezar con ánimo o libro novo: O clan do oso cavernario, que repartiremos durante a semana para que poidades ler algo antes da seguinte reunión. Seguro que vos gustará Ayla, a protagonista feminina, e tamén Jondalar -cando o coñezades-. Ademais aparecerán (noveladas) a prehistoria, a vida dos neandertais e dos cromañóns...
En canto comecedes a lectura, pasade por aquí para que saibamos a vosa opinión. Estamos desexándoo!

MÁIS SOBRE ZARA

2009-11-10T03:48:00.000-08:00
Sara esta mal, foi ao médico(esperemos que non teña gripe A) asi que hoxe escribo eu. Falta moita xente pero iso non é impedimento para comentar esta historia. Hoxe Begoña trouxonos unha proposta para contar a nosa opinión e poñela na revista e no blog, tamén no taboleiro que xa temos para o Club (compartido)...asi qe dadevos vida e escribide!
A Andrea non lle gusta a historia do asesino das horas e Begoña apóiaa; en cambio Carmen P. di que está ben, que esta relacionado con toda a historia, que leamos o final...
Andrea intenta convencer a Cris de que o libro mola, Cris so leu tres paxinas e. claro, de momento... jeje ...
Carmen sigue defendendo o papel dos asasino das horas, encántalle...pero Begoña...¡arre q non!
Intentamos recordar as vitimas deste asasino...¡vaia memoria que temos!
Ana chega tarde...Bego vaise ao teléfono... Ana comenta a relación entre as historias e o cambio do eu, lugar, tempo e guerras, ao longo dos capitulos.
Hai moi pouca compenetración nas páxinas lidas neste club, pareceme a min: Verónica vai moi adiantada, as profes igual e en cambio outras (eu incluida) imos un pouco atrasadas..
Volven mencionar as secuencias cinematográficas comentadas hai 15 dias... (recordovos que a semana pasada non houbo club xa que visitounos Inés Cuadrado...moitas gracias Inés!Un taller fantástico aínda que con pouca participación!).
Carmen volve a comentar sobre o asasino das horas... ela xa o acabou de ler, non lle da importancia máis que porque foi un trauma para Max. Bego volve dicir que ese personaxe esta metido para enganchar, con "calzador"... e di : “Este home que pinta aqi?”
Falamos sobre a posibilidade de que o autor nos visite ou ir visitalo a outro centro con outros club de lectura.
Volve a aparecer na conversa o asasino das horas(gran protagonista na reunión de hoxe). E soa o timbre!

Un bico para todos!En especial para Sara... mellórate!

Marina.

terceiro dia no club!!!

2009-10-27T03:28:00.000-07:00
Un novo día no club de lectura e, para variar(...) falta moitisima xente...¡¡¡pois peor para eles!!!xa que hoxe aproveitamos para comer as galletas que deixamos o outro día sen comer..mm..que boas estan..!!!Foronse alguns nenos..pero apuntouse xente nova!!!Bueno, seguimos, para non perder tempo,falando do libro.As mestras opinan que a partir de agora vainos enganchar..!!uuhh jajaja...

As mestras discrepan entre elas, xa que teñen visións diferentes sobre a aparición no libro do asasino das Horas. Carme expresa a súa opinion sobre os capítulos lidos, en diferentes puntos de vista...e como podedes ver os nenos nin mu!!jaja

Hai unha nena (anónima..jaja) que lendo o tercer capitulo emocionuse..aver si vai ser certo que este libro e digno de ler!!:D

un biko...Andrea e Sara.
¡Animádevos a escribir, un blog faise entre TODOS-AS!

segundo dia no club...!!!

2009-10-20T02:28:00.000-07:00
Comezamos comentando os capitulos lidos ata o momento, os dous primeiros, (Patricia chega tarde, pero e que Brais ainda máis ...bego vaise ó telefono....) coma sempre Carme fainos preguntas para facernos entender mellor a lectura, as nenas deben ter vergoña ou algo asi porque non falan nin pa tras!!...seguimos lendo as frases que escollimos... concidimos case todos nas frases....(Bego volve...) As mestras relacionan o libro co cine xa que se describen esceas moi cinematograficas...Falamos sobre a nena que lle canta á lúa no patio do seu edificio, o que fai que a relacion entre os veciños cambie... Comentamos que Antonio Machado está na banda dos "rojos" na guerra civil e falamos disto para tocar o tema das últimas cinco palabras (misterio, misterio, ¿cales serán?) que o poeta dixo antes de morrer. (Bego botalle bronca ás nenas porque non fan nada, so rir entre elas..)... ó final do capitulo dous aparece un irmán xemelgo do veciño, do traductor de Bagdad, estes tiran unha bolsiña na papeleira, o protagonista intrígase... esta contiña dúas balas.. E ata aquí chegamos, acabouse por hoxe!!
Para o próximo martes, leremos os dous capítulos seguintes.

un bikiño:D Sara e Marina.

Un bonito debuxo

2009-10-13T13:50:00.000-07:00

Para mergullarse nos libros, realizado por unha lectora do IES Río Cabe.

O noso primeiro dia no club!

2009-10-13T02:29:00.000-07:00
Comenzamos cos agasallos que nos ofreceron as profes: comer boisimas galletas, coca cola....Logo, falamos de como vai ser o club de lectura deste ano, levamos fichas sobre o libro que imos ler (o libro chamase "Zara y el librero de bagdad",Fernando Marías). Ainda non se sabe se imos facer dous grupos ou que sexamos un grande, creo que será isto último porque todos queremos estar xuntos... Unha das actividades previstas é recoller unha frase que nos chamase a atención do libro, e escribir outras actividades propostas por nós.Quedamos en ler os dous primeiros capitulos, Ana!!!acordate!!:E vos tampouco vos esquezades de facer o que nos mandaron... que nos coñecemos!

O martes que vén comentaremos o lido....
Un bico! Sara.

PRIMEIRA REUNIÓN DE SALICORNIOS-AS

2009-10-06T09:30:00.000-07:00

O martes, 13 (que día!)teremos a primeira reunión. Entregarémosvos a primeira lectura deste curso (Zara y el librero de Bagdad) e comentaremos as posibles e previstas actividades do club neste curso. Como sempre, haberá unha sorpresiña... ¿Que será, será?

COUSAS SOBRE ZARA E O LIBREIRO DE BAGDAD

2009-10-05T07:00:00.000-07:00

¿QUE ATOPAREMOS NO LIBRO ZARA E O LIBREIRO DE BAGDAD?

-Pois... a Antonio Machado, autor da Xeración do 98, e as súas derradeiras palabras gardadas no peto dun abrigo.
-Tamén aparece no libro un actor: Spencer Tracy, gañador de varios premios, o eterno compañeiro de Katharine Hepburn.
-Similitudes entre a guerra civil e o levantamento do 2 de maio de 1808, pintado por Goya co título de "Os fusilamentos do 3 de maio".
-A invasión de Iraq de 2003.
-A guerra civil española (1936-1939) e diversos acontecementos como o bombardeo de Guernica (cadro de Picasso)
-Referencias á primeira novela escrita por Benito Pérez Galdós (representante do Realismo español do XIX): La fontana de oro.

Xa somos uns cantos

2009-09-29T13:23:00.000-07:00

Pois si, xa sodes 18 alumnos e alumnas apuntados no club de lectura e uns cantos profes. Moi pronto xa comezaremos coas lecturas. A primeira será Zara y el librero de Bagdad, de Fernando Marías. Esperamos que vos guste.
Poñeremos un anuncio no taboleiro do cole para que non vos despistedes. E non esquezades que hai que ir contando no blog todo o que vos apeteza sobre os libros lidos para que Ana -e os que queiran- poida seguirnos nas actividades.
Un bico, salicornios-as.

Comezo do Club de lectura 09-10

2009-09-06T09:41:00.000-07:00

En breve colocaremos no taboleiro do cole un folio no que vos poderedes apuntar para formar parte do club de lectura Salicornia. ¡¡¡Recordade facelo no prazo indicado!!! (isto vai para Andrea...).Non esquezades que faremos moitas actividades divertidas e que leremos un bo número de libros interesantes, así que animádevos para formar parte do club.
Ata pronto.

Que podo ler?

2009-07-13T04:50:00.000-07:00
Deixovos aquí unha páxina que me pareceu moi interesante para atopar recomendacions sobre libros, moitos están na biblioteca, se non os atopades animádevos a pedilos.
Cantos dos máis recomendados tedes lido?
Picade no enlace para acceder á páxina.
http://www.quelibroleo.com/

DERRADEIRA REUNIÓN DE SALICORNIA

2009-06-12T08:39:00.000-07:00

O venres 19 será a derradeira reunión do noso club de lectura. ¡NON esquezades vir porque haberá sorpresiñas!!! E dende aquí: boas lecturas e bo verán a todos e todas.
Propoñémosvos unhas lecturas posibles para este verán:
Ás de bolboreta de Rosa Aneiros, premio xerais de literatura xuvenil de 2009.
Sol de inverno de Rosa Aneiros,premio xerais de novela 2009.
Resistencia de Rosa Aneiros tamén. É unha autora que merece a pena, así que animádevos que tedes tempiño.

Salicornia en Santiago de Compostela

2009-06-04T14:14:00.000-07:00

Estivemos en Santiago visitando a Biblioteca Ánxel Casal e a nova, enorme e preciosa libraría Couceiro. Fomos co club de lectura das Mariñas e pasamos un día agradable, comendo en Bonaval e facendo despois un xogo polas rúas da zona vella.
¿Que vos pareceu a visita? A ver... contádenos cousas. No blog de As Mariñas tamén podedes ler e comentar:
http://asmarinaslectoras.blogspot.com/

NOVA LECTURA

2009-05-23T09:33:00.000-07:00

A sexta e derradeira lectura deste ano dos salicornios-as é: Cumbres borrascosas , a única novela de Emily Brontë. É unha historia de amor e vinganzas, de odio e loucura, de vida e morte...Foi publicada por primeira vez en 1847. Cumbres Borrascosas deu lugar a varias películas, dramatizacións radiofónicas e televisivas, un musical e unha das cancións máis exitosas de Kate Bush (cantante británica).
Estes son os carteis das dúas versións cinematográficas máis coñecidas. ¿Cal vos gusta máis? ¿Cal se aproxima máis á estética da novela?
¡¡¡ESPERAMOS QUE VOS GUSTE O LIBRO!!!

Nova lectura

2009-05-08T14:26:00.000-07:00

Este venres comezamos unha nova lectura: Zara y el librero de Bagdad, de Fernando Marías.
Sinopse: Un escritor frustrado recibe un correo- cunha invitación: alguén o espera no cemiterio da Florida para ofrecerlle un manuscrito que pode interesarlle. Nel relátase unha historia na que aparecen as derradeiras palabras do poeta Antonio Machado. Despois dúas historias conflúen: a vida dese escritor cando era un neno durante a guerra civil española (1936) e a historia de Zara, unha rapaza iraquí que non coñeceu a súa nai por culpa da guerra no seu país.

Un libriño de poemas

2009-05-04T22:34:00.000-07:00

¿Non vos gustaría ler algún poema máis deste libro? Pois, veña, ide á biblioteca:
Consumir preferentemente, de Raúl Vacas. Editorial Anaya.

PIPI LANGSTRUMP

2009-04-18T23:37:00.000-07:00

Esta é Pipi Calzaslargas. ¿Coñeciádela? Pois nela baseouse Stieg Larsson para o seu personaxe de Lisbeth Salander.

Seguimos coa peli

2009-04-12T03:28:00.000-07:00
Este é o cartel anunciador. Ata o momento parece que só se estreou en Suecia e Dinamarca. ¿Non tedes ganas de vela xa?

Noomi Rapace, a protagonista da peli, é dicir, a actriz que encarna o personaxe de Lisbeth Salander. ¿Que vos parece?

Algunhas curiosidades:
1. Parece que o título orixinal é realmente Os homes que odiaban as mulleres.
2. O autor, Stieg Larsson, morreu dun infarto ao pouco de escribir a 3ª parte da triloxía Millenium.
3. S.Larsson, periodista e experto en grupos de extrema dereita, escribía sempre pola noite, en secreto.
4. Para crear o personaxe de Lisbeth Salander... ¿SABEDES EN QUEN SE BASEOU? Ao mellor non recordades, moitos sodes moi noviños... Pero, de todas formas, lede as súas propias palabras e, se non sabedes quen era ese personaxe televisivo, xa falaremos:

"Tomé a Pippi Langstrump. Pensé: ¿Qué aspecto tendría actualmente? ¿Qué tipo de adulta sería? ¿Cómo la calificarían? ¿Una sociópata? ¿Una autista? Tiene una visión de la sociedad distinta de la de los demás. (O, visto de otro modo, no observa la sociedad del mismo modo que el resto de la gente). La convertí en Lisbeth Salander, de veinticinco años, una chica que se siente como una extraterrestre entre la gente. No conoce a nadie ni tiene capacidades sociales en absoluto".
5. E segue falando Stieg Larsson: "No es hasta el tercer libro cuando se atan todos los cabos y se entiende lo que ha ocurrido".
"Escribo muy deprisa. Es fácil escribir historias de detectives. Es mucho más difícil escribir un artículo de cinco mil caracteres, en el que todo tiene que ser correcto al cien por cien". "He leído historias de detectives toda mi vida. Casi todos los escritores de novela negra que he encontrado destacables son, por extraño que parezca, escritoras".

PELI

2009-03-17T09:23:00.000-07:00

¿Imaxinarades así ao protagonista de Los hombres que no...? Pois este é o actor sueco que interpreta ao xornalista M.Blomkvist.

OS PRIMEIROS CAPÍTULOS DE "LOS HOMBRES QUE NO AMABAN A LAS MUJERES"

2009-03-14T03:10:00.000-07:00
Más prolijo que enjundioso. Así se pode definir en castelán do bo calquera dos primeiros capítulos de "Los hombres que no amaban a las mujeres". Pero non desesperedes. Despois de perdernos sen remedio nas cuestións político-económicas do país veremos como se artella unha historia de intriga e van encaixando tódalas pezas do puzzle.
Ás veces as novelas son así e hai que esperar un pouco para poder deslizarnos doadamente por elas coma polas abas brancas nas invernías nevadas.
Por certo, prolijo quere decir extenso, detallado, e enjundioso significa sustancioso, importante. Non esquezades empregar estas dúas palabras cando conveña.
Ánimo coa lectura!

CONTAMOS CONTOS COA TROPA DE TRAPO

2009-03-11T05:10:00.000-07:00
A tropa de trapo engaiolounos coas súas voces doces e cercanas e os seus contos de inspiración tan distinta (Chan de Brito -¿escribirase así?- é como calquera das nosas aldeas e os seus habitantes como calquera dos nosos veciños, coma nós mesmos. O deserto é un mundo moito máis lonxano que, sen embargo, chegou doadamente a nós).
Algo aprendemos de mirar ao que escoita, de buscar camiños para continuar as historias, de facer nosos os contos que xa sabemos e de debullar a nosa imaxinación.
E sí, tamén fomos quen de tecer, coa axuda duns mulidos novelos, os nosos propios contos, nos que un caracol e unha volvoreta azul foron os protagonistas.
Que fermoso o oficio de contacontos! Non sí?

SORPRESA NA REUNIÓN DE SALICORNIA

2009-03-10T07:47:00.000-07:00

¡Para o venres temos preparada outra sorpresiña! :-) Só vos digo que será unha sorpresa... ¡¡¡umhmmmmm, que rica!!!
Un bico, corazóns...

A TROPA DE TRAPO CONTOUNOS CONTOS

2009-03-09T06:38:00.000-07:00
Preciosos, en galego e castelán, con música e moito sentimento, máxico...
Compartimos espectáculo con alumnos do IES As Mariñas, interesados na lectura coma nos, e disfrutamos moito tanto dos contos como dos talleres.

Podedes visitar o blog do club de lectura do IES As Marismas pinchando neste enlace. http://asmarinaslectoras.blogspot.com/Hai máis fotos...

¡Imos coa terceira lectura!

2009-03-02T13:09:00.001-08:00

O terceiro libro que leremos os salicornios-as é Los hombres que no amaban a las mujeres, unha novela (máis ben novelónnnnnnnn) de intriga, do autor sueco Stieg Larsson. Trátase do primeiro volume dunha triloxía (os dous seguintes son: La chica que soñaba con una cerilla y un bidón de gasolina e La reina en el palacio de las corrientes de aire) que esperamos que vos "enganche".
Aí tedes a orixinal portada.

2009-02-21T08:03:00.000-08:00

O día 5 de marzo virá a Tropa de trapo a Miño para presentarnos os seus contos da HORA AZUL e facer un taller de actividades. Alí coñeceredes tamén aos membros do club de lectura das Mariñas. Probablemente nos acompañarán outros alumnos-as ata facer un número axeitado para a sesión. Esperamos que o pasedes ben. Queda un enlace para que poidades ver a Marta e a Brais, os contacontos da Tropa.
http://tropadetrapo.blogaliza.org/

NOVA LECTURA

2009-02-18T04:42:00.000-08:00

Esta semana como non teremos reunión o venres comentaremos o primeiro bloque de contos a través do blog.
Xa podedes comezar

2009-02-16T07:15:00.001-08:00

Xa temos logo para o club de lectura, grazas a Miriam Anido. ¿Gústavos? A min si. Un día destes poñerémola na cabeceira do club e, por suposto, en todas as comunicacións que fagamos. Chao, salicornios-as, animádevos cos comentarios.

2009-02-14T11:17:00.000-08:00

Ben, ola "salicornios e salicornias", hoxe falamos do final e soltei a miña pregunta relacionada co tema da vinganza. Como a contestación foi afirmativa, é dicir, todos e todas pensades que ás veces a vinganza é necesaria, gustaríame que comentasedes por que ou en que casos vos parece positiva. ¿Non pensades que é mellor non facerlle a unha persoa o mesmo -ou peor- dano que ela fixo? Non sei... parece un sentimento máis de rancor que de xustiza, ¿non si?, máis de odio que de resarcimento... ???

Grazas, Marga, por darnos a idea de coñecer a biografía da autora. Eu vouna buscar e ler. Despois xa vos contarei.
Begoña.

2009-02-09T00:55:00.000-08:00
Pois si! A verdade é que eu estou desexando que rematedes de lelo para poder comentar o final de El baile e facer unha pregunta relacionada co tema que dende sempre me preocupou e intrigou. Pero ... como non podo desvelar nada, seguide coa intriga ata o venres!!!. E unha cousiña máis: sei que hai moitas persoas que teñen moito que dicir... pois dicídeo que nos enriqueceremos todos-as, corazóns.

EL BAILE

2009-02-08T14:33:00.000-08:00

PRIMEIRA E SEGUNDA REUNIÓN DO CLUB DE LECTURA

Elixido o noso nome, poñemos en marcha este blog para que poidamos encontrarnos de maneira virtual e deixar os nosos comentarios no momento que se nos ocorren.

Esta semana remataremos o libro " El Baile" con final sorpresa para algúns dos lectores do club. Agradecemos aos lectores avanzados que non nos revelaran o final nin sequera nos deran pistas.

Na próxima reunión falaremos con menos coidado de non irnos da lingua. Todos coñecemos agora o final e poderemos comentar con liberdade.